Tunggu Mobil Lewat
Pagi-pagi Yaklep pu anak yang baru umur 9 taon, kebetulan lagi libur skolah minta ijin
Anak : "bapa sa pi ke pius pu rumah dulu eeee....."
Yaklep: "Eh... Anak makan dulu baru pi kesana….?"
Anak : "Uda dari tadi bapa, sa bisa pegi kah traaaa...."
Yaklep : "Ah kamu ini, pigi suda, tapi hati-hati kalau menyeberang tunggu sampai mobil lewat dulu... eee... Baru menyeberang?"
Anak : "Beres sa su tau...."
10 menit kemudian Yaklep pu anak, pulang sambil menangis pica... dengan suara keras...
Yaklep: "Ah.. anak kamu kenap menangis bergitu...?" (tanya Yaklep dengan dana marah)
"Dong ada cubi ko kah? Atau dong ada pukul kah.. ? Oh kurang ajar, dong belum tau pace Yaklep kah?" (Yaklep suda naik darah) "Capat jawab kenapa ko manangis, sa kasi pica mereka?"
Anak: "Tidak bapa, sa tra dipukul dan tra dicubit...."
Yaklep : "Terus kenapa……?"
Anak : "Tadi bapa bila kalau mau menyeberang tunggu mobil lewat dulu, sa su berdiri lama sampai bosan, mobil tra lewat-lewat, sa cape dan sedih makanya sa menangis..."
Yaklep pusing 7 keliling "Ini sa pu ana bodo ke sapa ya???"
Pagi-pagi Yaklep pu anak yang baru umur 9 taon, kebetulan lagi libur skolah minta ijin
Anak : "bapa sa pi ke pius pu rumah dulu eeee....."
Yaklep: "Eh... Anak makan dulu baru pi kesana….?"
Anak : "Uda dari tadi bapa, sa bisa pegi kah traaaa...."
Yaklep : "Ah kamu ini, pigi suda, tapi hati-hati kalau menyeberang tunggu sampai mobil lewat dulu... eee... Baru menyeberang?"
Anak : "Beres sa su tau...."
10 menit kemudian Yaklep pu anak, pulang sambil menangis pica... dengan suara keras...
Yaklep: "Ah.. anak kamu kenap menangis bergitu...?" (tanya Yaklep dengan dana marah)
"Dong ada cubi ko kah? Atau dong ada pukul kah.. ? Oh kurang ajar, dong belum tau pace Yaklep kah?" (Yaklep suda naik darah) "Capat jawab kenapa ko manangis, sa kasi pica mereka?"
Anak: "Tidak bapa, sa tra dipukul dan tra dicubit...."
Yaklep : "Terus kenapa……?"
Anak : "Tadi bapa bila kalau mau menyeberang tunggu mobil lewat dulu, sa su berdiri lama sampai bosan, mobil tra lewat-lewat, sa cape dan sedih makanya sa menangis..."
Yaklep pusing 7 keliling "Ini sa pu ana bodo ke sapa ya???"
Apa yang Jatuh Tra Boleh Diambil
Ada satu Tete dia datang kekota, tapi sudah lama dikota dia punya anak tra mau ajak dia jalan-jalan padahal dia ingin sekali jalan-jalan ke kota, satu hari dia protes,
"Pokoknya kalau kamu orang tra mau ajak sa jalan-jalan sa mau pulang kampung saja."
Begini dia punya cucu ajak dia jalan-jalan ke kota tapi dengan perjanjian Tete tra boleh bikin malu dan kalo liat barang yang su jatuh kita tra boleh ambil...
Tete setuju, trus dong dua jalan sampai di kota dia punya cucu liat uang 10.000,- jatuh dia korek dia punya Tete,
"Tete...ada uang 10.000,- jatuh tong ambil ka..."
Tete kasih ingat cucu... "Ko su lupa dengan tong dua pu perjanjian?"
Cucu bilang, "Iyo tete sa lupa berarti sekarang tong dua jalan sudah"
Tra lama tete yang gantian liat uang 100.000,- jatuh trus tete bilang sama dia pu cucu...
"Cucu... ada uang 100.000,- jatuh lumayan buat tambah-tambah jajan..."
Dia pu cucu larang tete, "Ko tra ingat perjanjian ka..."
Tete bilang, "Yo... tra papa sudah sekarang tong dua lanjut jalan..."
Tapi dalam perjalanan tete trus ingat itu uang 100.000,- sampai dia tra sadar dia masuk dalam got... lalu tete batariak...
"Cucu... ko tolong tete dulu tete ada jatuh di got... tempo ko tolong dulu..."
cucu balik muka dan bilang sama tete " TETE KO LUPA PERJANJIAN KA... APA YANG SU JATUH TRA BOLEH DIAMBIL TO....."
Tete bilang, "Dasar cucu kurang ajar..."
